إيه اللي بنجمعه
- اسمك وإيميلك عشان الحساب.
- التقارير اليومية اللي بتبعتها: النص، والعمالة، والخامات، والتأخير، والملاحظات.
- صور الموقع: الصورة الكاملة بتفضل على موبايلك، واللي بيطلع لشركتك نسخة مصغرة بس، ومعاها التاريخ والإحداثيات لو سمحت بتحديد المكان.
الصوت
التطبيق بيحوّل كلامك لنص بطريقتين:
- بخدمة التعرف على الكلام اللي في موبايلك نفسه (ابل أو جوجل)، ودي الطريقة الأساسية.
- لو موبايلك مافيهوش التعرف على الكلام بالعربي، التطبيق بيسجّل كلامك ويبعته لخدمة جيميناي من جوجل عن طريق فايربيز عشان يتحول لنص، وبعدها التسجيل بيتمسح من موبايلك. جوجل ممكن تحتفظ بالمحتوى ده فترة وتستخدمه في تحسين خدماتها حسب شروطها.
التطبيق نفسه مابيحفظش أي تسجيل صوتي، اللي بيتحفظ هو النص بس.
مين بيشوف بياناتك
أعضاء شركتك بس، حسب أدوارهم: المهندس بيشوف مواقعه، والمكتب الفني بيشوف كل المواقع، والمالك أو الاستشاري بيشوف التقارير المعتمدة للمواقع اللي اتضاف عليها. مابنبيعش ولا بنشارك بياناتك مع أي حد.
فين بتتخزن
على خدمة فايربيز من جوجل، ومحمية بقواعد أمان بتمنع أي حد برا شركتك.
خدمات تانية
حالة الطقس بتيجي من خدمة أوبن ميتيو بإحداثيات الموقع بس، من غير أي بيانات عنك.
مسح الحساب
من جوه التطبيق: الإعدادات ← امسح حسابي. أو من هنا.